साग : भलिबल आजबाट, टिकट मूल्य कति ?

काठमाडौं । १३ औं दक्षिण एसियाली खेलकुद (साग) अन्तर्गत भलिबल खेलको प्रतिस्पर्धा आज (बुधबार) बाट सुरु हुँदैछ ।

त्रिपुरेश्वरस्थित राखेप कभर्ड हलमा बुधबार पुरुष र महिला दुवै तर्फको समूह चरणका खेलहरु सुरु हुनेछ ।

समूह चरण अन्तर्गत नेपालको दुवै टिमले पहिलो खेलमा बंगलादेशसँग खेल्दैछ ।

नेपाली महिला टिमले बंगलादेशसँग अपरान्ह ३ बजे खेल्नेछ । पुरुष भलिबल टिमले साँझ ७ बजे बंगलादेशसँग नै प्रतिस्पर्धा गर्नेछ ।

राष्ट्रिय खेलकुद परिषदले भलिबल हेर्नका लागि टिकट मूल्य राखेको छ । भलिबलको टिकट मूल्य ५ सय राखिएको छ । टिकट इसेवाबाट किन्न सकिनेछ ।

यस्तै भलिबलको प्रत्यक्ष प्रशारण एक्सन स्पोर्ट्स टेलिभिजनले गर्नेछ । अनलाइन र युट्युबमा प्रत्यक्ष प्रशारण गर्न पाईने छैन्  ।