काठमाडौं । नेपालको राष्ट्रिय महिला भलिबल टिमले आज (बिहिबार) चौथो मैत्रीपूर्ण खेल खेल्दैछ ।
वैदेशिक प्रशिक्षक तथा अभ्यास खेलका लागि थाईल्याण्डमा गएको नेपाली महिला टिमले जापानको यू–२३ टिमसंग मैत्रीपूर्ण खेल खेल्न लागेको हो ।
यसअघि सुरुवाती दुई मैत्रीपूर्ण खेलमा जित निकालेको नेपालले तेस्रो खेलमा थाईल्याण्डको यू–२१ टिमसंग हार ब्यहोरेको थियो ।
नेपालले पहिलो खेलमा स्थानिय टिम जरानसानिवोङ र दोस्रो खेलमा बंैकक युनिभर्सिटीको यू–२३ टिमलाई समान ३–१ को सेटमा हराएको थियो ।
नेपालमा हुन गईरहेको दक्षिण एसियाली खेलकुद प्रतियोगिता (साग) र बंगलादेशमा हुने एसियन भलिबल कन्फेडेरेसन (एभिसी) सेन्ट्रल जोन सिनियर महिला भलिबल च्याम्पियनसिपको तयारीका लागि नेपाली टिम थाईल्याण्ड भ्रमणमा छ ।
-1732413260.jpg)
