धनगढी । बाजुरामा पदम खत्री स्मृति तथा बडिमालिका कप भलिबल प्रतियोगिता हुने भएको छ ।
बाजुराको त्रिवेणी नगरपालिका वडा नम्बर ९ पैमामा प्रतियोगिता असोज २२ गतेदेखि २५ गतेसम्म हुनेछ ।
सुन्दर नेपाल बचत तथा ऋण सहकारी संस्थाको आयोजनामा हुने चार दिने भलिबल प्रतियोगिताको विजेताले ५१ हजार १११ रुपैया पाउनेछ । यस्तै उपविजेताले २५ हजार १११ रुपैया पाउनेछ ।
उत्कृष्ट खेलाडीले नगद ५ हजार पाउनेछ ।
हरेक दुई बर्षमा प्रतियोगिता आयोजना हुने र यो प्रतियोगिताको दोस्रो संस्करण रहेको प्रतियोगिताका संयोजक राजेन्द्र खत्रीले जानकारी दिए । खुल्ला भलिबल प्रतियोगिता भएकोले जुनसुकै टीमले पनि प्रतियोगिता खेल्न पाउने संयोजक खत्रीले बताए ।
-1732413260.jpg)
