सामाखुशी इङलिस बोर्डिङ स्कुल (सेब) प्रथम जीवन ज्योति कप अन्तरविद्यालय शिक्षक भलिबल प्रतियोगितामा शुक्रबार क्वाटरफाइनलमा प्रवेश गरेको छ ।
जीवन ज्योति इङलिस बोर्डिङ स्कुलद्वारा आयोजित प्रतियोगितामा सेबले मानसिंहलाई २५–२० र २५–१८ को सोझो सेटमा पराजित गर्यो ।
त्यस्तै युनिग्लोबले आयोजक जीवन ज्योतिलाई २५–२३ र २५–२१, स्वाति सदनले सन फ्लावरलाई २५–२२ र २५–८, सिद्धार्थले नेपाल राष्ट्रिय माविलाई २५–११ र २५–१६ तथा प्याराडाइसले लालीगुराँसलाई २५–१९ र २५–८ को सीधा सेटमा हराउदै क्वाटरफाइनलमा स्थान सुरक्षित गरे ।
प्रतियोगिताको नेपाल भलिबल संघका उपाध्यक्ष एनबहादुर शाहीले एक कार्यक्रमबीच उद्घाटन गरे । दुईदिने प्रतियोगितामा १६ टिम सहभागी छन् । विजेताले खसी, उपविजेताले बोका र तेश्रो हुनेले एक जोडी रातो भले पुरस्कारवापत पाउने छन् ।
-1732413260.jpg)
