काठमाडौं । पहिलो संस्करणको प्रकाश दाहाल स्मृति प्रगतिशिल युवा नेपाल कप राष्ट्रिय खुल्ला पुरुष भलिबल प्रतियोगिताको उपाधिका लागि आज (सोमबार) पुलिस क्लब र आर्मी क्लबबीच प्रतिस्पर्धा हुदैछ ।
नयाँ बसपार्कस्थित ढोरपाटन क्लबको खेल मैदानमा जारी प्रतियोगिता पुलिसले एपीएफ र आर्मीले गण्डकीलाई हराउँदै उपाधि भिडन्त पक्का गरेका हुन् ।
खेल दिउँसो १ बजेपछि सुरु हुनेछ ।
फाइनल अघि तेस्राे स्थानका लागि खेल हुनेछ । गण्डकी र एपीएफले तेस्रेा स्थानका लागि प्रतिस्पर्धा गर्नेछन् । खेल बिहान ११ बजेपछि सुरु हुनेछ ।
प्रगतिशील यूवा नेपालको योजनामा जारी प्रतियोगिताको विजेताले ५ लाख रुपैया हात पार्नेछ ।
यस्तै दोस्रोले ३ लाख, तेस्रोले १ लाख र चौथोले ५० हजार रुपैया पाउने छन् ।
यस्तै प्रतियोगिताको सर्वोत्कृष्ट खेलाडीले मोटरसाइकल पाउने आयोजकले जनाएको छ । त्यसबाहेक स्पाइकर, ब्लकर, डिफेन्डर, सर्भर र प्रशिक्षकलाई पनि पुरस्कृत गरिने छ ।
-1732413260.jpg)
