पोखरा । श्रीराम खेलकुद विकास समिति दाङ पोखरामा जारी तीज महोत्सव राष्ट्रिय महिला भलिबल प्रतियोगिताको सेमिफाइनलमा प्रवेश गरेको छ ।
पोखराको लामाचौरमा आइतबार भएको खेलमा पारामाउण्ट इन्ग्लिश स्कुल काठमाण्डौंलाई ३-१ सोझो सेटमा पराजित गर्दै श्रीराम अन्तिम चारमा पुगेको हो ।
सेमिफाइनल पुग्ने क्रममा श्रीरामले पारामाउण्टलाई २५-१७, २०-२५, २५-२३ र २५-२१ को सेटमा पराजित गर्यो ।
अब श्रीरामले सेमिफाइनलमा विभागीय टिम नेपाल पुलिस क्लबसँग खेल्नेछ । पारामाउण्ट भने प्रतियोगिताबाट बाहिरिएको छ ।
नवआदर्श सामुदायिक विकास समाजको आयोजनामा जारी प्रतियोगितामा ६ टोलीको सहभागिता रहेको छ ।
प्रतियोगिताको विजेताले १ लाख पाउने छन् । यस्तै उपविजेताले ६५ हजार र तेस्रो २५ हजार पाउने आयोजकले जनाएको छ ।
