पुलिससँग न्यू डायमण्ड पराजित

पोखरा । विभागीय टिम नेपाल पुलिस क्लबले पोखरामा जारी तीज महोत्सव राष्ट्रिय महिला भलिबल प्रतियोगितामा विजयी सुरुवात गरेको छ ।

आइतबार बिहान भएको खेलमा चार पटकको च्याम्पियन होङ्ग्वान्जी न्यू डायमण्ड एकेडेमीलाई ३-२ को सेटमा पराजित गर्दै पुलिसले विजयी सुरुवात गरेको हो ।

पोखराको लामाचौरमा भएको खेलमा पुलिसले न्यू डायमण्डलाई ३२-३०, २५-२२, १४-२५ ,२४-२६ र १५-५ को सेटमा पराजित गर्यो । 

जितसँगै समूह 'बी' को पुलिसले सेमिफाइनल पुग्ने सम्भावना बलियो बनाएको छ ।

न्यू डायमण्डको यो पहिलो हार हो ।  यसअघि शनिबार भएको खेलमा न्यू डायमण्डले चितवन टाईगर्सलाई ३-० को सोझो सेटमा हराएको थियो ।

नवआदर्श सामुदायिक विकास समाजको आयोजनामा जारी प्रतियोगितामा ६ टोलीको सहभागिता रहेको छ ।

सहभागी टोलीलाई दुई समूहमा विभाजन गरिएको छ । शीर्ष दुई टोलीले सेमिफाइनलमा स्थान बनाउने छन् ।

प्रतियोगिताको विजेताले १ लाख पाउने छन् । यस्तै उपविजेताले ६५ हजार र तेस्रो २५ हजार पाउने आयोजकले जनाएको छ ।