काठमाडौं । एसियन भलिबल कन्फेडेरेसन एभिसी सेन्ट्रल जोन सिनियर पुरुष भलिबल प्रतियोगितामा तुर्कमेनिस्तान तेस्रो भएको छ । शुक्रबार भएको खेलमा माल्दिभ्सलाई ३-० काे सोझो सेटमा हराउँदै तुर्कमेनिस्तान तेस्रो बनेको हो ।
पहिलो सेट २५-२३ ले जितेको तुर्किस टोलीले दोस्रो २५-२० र तेस्रो २५-१९ ले हात पार्यो । सेमिफाईनलको खेलमा पराजित भएपछि दुवै टोली तेस्रो स्थानका लागि भिडेका थिए ।
माल्दिभ्सलाई हराउँदै उज्वेकिस्तान र तुर्कमेनिस्तानलाई हराउँदै किर्गिस्तान फाईनलमा प्रवेश गरेको थिए । शुक्रबारनै भएको दिनको पहिलो खेलमा अफगानिस्तानलाई हराउँदै नेपाली टिम पाँचौ भएको थियो ।
उपाधिका लागि शनिबार उज्वेकिस्तान र किर्गिस्तानबीच प्रतिस्पर्धा हुनेछ ।
