काठमाडौं । नेपाली राष्ट्रिय नेत्रहीन महिला क्रिकेट टिम नगदसहित सम्मानित भएका छन् ।
गत माघमा पाकिस्तानविरुद्धको सिरिज जितेको नेपाली टोलीलाई सरकारले बुधबार नगदसहित सम्मान गरेको हो ।
सिंहदरबारस्थित युवा तथा खेलकुद मन्त्रालयमा आयोजित कार्यक्रममा सरकारले नेपाली टोलीलाई जनही ५० हजार नगद र सम्मान पत्रले सम्मान गरेको हो । यस्तै सरकारले अफिसियललाई जनही २५ हजारले सम्मान गरेको छ ।
खेलाडीहरुलाई युवा तथा खेलकुद मन्त्रि जगत बहादुर विश्वकर्मा लगायतले पुरस्कृत गरे ।
नेपालले गत माघमा पाकिस्तानविरुद्धको पाँच खेलको टी-ट्वान्टी क्रिकेट सिरिज जितेको थियो । सरकारले उक्त सिरिज जितेपछि नगदसहित सम्मान गर्ने घोषणा गरेको थियो ।
