भ्याली पब्लिक र एचएचसीए सेमिफाईनलमा

काठमाडौं । भ्याली पब्लिक र एचएचसीए तेश्रो केभीकेएसएस अन्तरविद्यालय बास्केटबल प्रतियोगिताको गल्र्समा शनिबार सेमिफाईनल प्रवेश गरेका छन् ।

भ्याली पब्लिकले इनोभेटिभलाई ३०-२० ले तथा एचएचसीएले भानुभक्तलाई २०- १२ ले पराजित गर्दै सेमिफाईनल यात्रा तय गरेको हो ।

ब्वाइज तर्फ ग्रिनल्याण्ड र गोल्डेनपिकले क्वाटरफाईनलमा स्थान बनाए । ग्रिनल्याण्डले नेपालयलाई ५२-४१ ले तथा गोल्डेनपिकले एचएचसिएलाई ६७-३७ अंकले पराजित गर्दै क्वाटरफाईनल यात्रा तय गरेको दीपेश कार्कीले जानकारी गराए ।