केभीकेएसएस विजयी

काठमाडौं । आयोजक काठमाडौं विद्याकुञ्ज मावि (केभीकेएसएस) ले तेश्रो केभीकेएसएस अन्तरविद्यालय बास्केटबल प्रतियोगिताको ब्वाइजमा आइतबार जित हात पारेको छ ।

टोखास्थित घरेलु कोर्टमा केभीकेएसएसले अक्षरालाई ६०–३० को फराकिलो अन्तरले पराजित गर्यो । केभीएसएसका कविन थापा मगरले ३४ अंक जोडे ।

ब्वाइजमै नेपालयले हिमरश्मीलाई ३९–३५, निम्सले त्रियोगलाई ३४–२३ र एचएचसीएले गुहेश्वरीलाई ३६–२० ले हराए । नेपालयका अनिश बजगाईंले १२, निम्सका राजन डंगोलले १४ र एचएचसीएका दीपराज तामाङले १३ स्कोर गरे ।

गल्र्समा निम्सले चाँदबागलाई २८–१५, इडेन ब्रिज एकेडेमी (इबीए) ले त्रियोगलाई १९–१०, न्यु बुद्ध प्रकाशले रेडिअन्टलाई ३०–१८, भ्याली पब्लिकले टीआईएलाई ३२–२८ र भानुभक्तले क्लिनटनलाई २३–१८ ले पाखा लगाए । निम्सकी डोल्मा तामाङले १९, इबीएकी इशा मगरले १०, न्यु बुद्ध प्रकाशकी पासाङ तामाङले १०, भ्याली पब्लिककी सुजु गुरुङले २१ र भानुभक्तकी सम्पदा नेपालीले ८ अंक जोडे ।