काठमाडौं । होङ्गवान्जी न्यू डायमण्ड एकेडेमी 'बी' ले दोस्रो संस्करणको चन्द्रागिरी उपमेयर कप भलिबल प्रतियोगितामा पहिलो जित निकालेको छ ।
नैकापस्थित घरेलु कोर्टमा बिहिबार परोपकार आदर्श माबी 'ए' टिमलाई २५-१२ र २५-१५ को सेटमा पराजित गर्दै न्यू डायमण्ड एकेडेमी 'बी' ले पहिलो जित निकालेको हो ।
जितसंगै समूह 'घ' बाट न्यु डायमण्ड एकेडेमी 'बी' ले क्वार्टरफाइनलमा स्थान बनाउने सम्भावना कायम राखेको छ ।
यसअघि पहिलो खेलमा न्यू डायमण्ड एकेडेमी 'बी' पारामाउन्ट इन्ग्लिश स्कुलसंग पराजित भएको थियो ।
![](https://scontent.fktm4-1.fna.fbcdn.net/v/t1.15752-9/60984533_367036383931007_2341111859014270976_n.jpg?_nc_cat=110&_nc_ht=scontent.fktm4-1.fna&oh=96c74a62957a5f363f59db838e7f1e24&oe=5D551919)
मदन भण्डारी स्पोर्ट्स एकेडेमी चन्द्रागिरी नगर कमिटिको आयोजनामा जारी प्रतियोगिता विभिन्न १० स्कुलका छात्रा टोलीले प्रतिस्पर्धा गरिरहेका छन् ।
प्रतियोगिताको विजेताले नगद ६० हजार हात पार्नेछन् भने उपविजेताले ३० हजार पाउनेछन्। यस्तै तेस्रोले १५ तथा चौथोले १० हजार हात पार्नेछन् ।
प्रतियोगिताको उत्कृष्ट खेलाडीलाई १ हजार ५ सय र विधागत उत्कृष्टहरुले समान १/१ हजार पाउने छन् ।