काठमाडौं । आयोजक बसुन्धारा नेसाल एकेडेमी (बीएनए) को ‘ए’ टिम चौथो बीएनए कप अन्तरविद्यालय बास्केटबल प्रतियोगिताको जुनियर ब्वाइजतर्फ बुधबार सेमिफाइनलमा प्रवेश गरेको छ ।
बीएनए ‘ए’ ले स्काइलार्कलाई ३०–२२ ले पराजित गर्यो । बीएनए ‘ए’ को जितमा सन्देश खड्काले १२ अंक योगदान गरे ।
जुनियर ब्वाइजमै लालीगुराँस नेसनल एकेडेमी र इडेन ब्रिज एकेडेमी (इबीए) पनि आ–आफ्नो खेल जित्दै सेमिफाइनलमा पुगे ।
दिपेश कार्कीको ८ अंक सहयोगमा लालीगुराँसले ग्रिनल्यान्डलाई २८–२० ले हरायो । इबीएले ओडिसीको चुनौती २०–१६ ले समाप्त पार्यो । इबीएका सुनील मल्लले १२ स्कोर गरे ।
सेमिफाइनलमा लालीगुराँसको भेट गोल्डेनपिकसंग हुनेछ भने इबीएले बीएनए ‘ए’ विरुद्ध प्रतिस्पर्धा गर्ने छ । सेमिफाइनल बिहीबार हुनेछ ।
