काठमाडौं । नव ज्ञानभूमि चौथो बीएनए कप अन्तरविद्यालय बास्केटबल प्रतियोगिताको जुनियर ब्वाइजतर्फ सोमबार प्रिक्वाटरफाइनलमा प्रवेश गरेको छ ।
बीएनएद्वारा आयोजित प्रतियोगितामा नव ज्ञानभूमिले फ्युजनलाई ६–५ ले पराजित गर्यो । विजयी टिमका लागि राम मगरले ५ अंक जोडे ।
त्यस्तै स्काइलार्कले अमृतलाई १५–५, गोल्डेनपिकले आयोजक बीएनए ‘बी’ लाई २३–१७, ओडिसीले अक्सरलाई १६–१०, नेपाल मोडेलले हिमालयनलाई १७–१०, प्रणाम्सले साइपाल एकेडेमीलाई ७–६ र ग्रिनल्यान्डले स्किब्सलाई १७–१४ ले हराउदै प्रिक्वाटरफाइनलमा स्थान सुरक्षित गरे ।
सिनियर ब्वाइजको थ्री बाइ थ्रीमा गोल्डेनपिक र ओडिसीले तेहोरो जित निकाले । गोल्डेनपिकले अक्सरलाई १८–१०, निब्सलाई १६–१० र अमृतलाई २०–१८ तथा ओडिसीले इबिएलाई १२–७, भ्याली पब्लिकलाई ११–६ र द चाँदबाग स्कुललाई १२–१० ले पन्छाए । अन्य खेलमा अक्सरले अमृतलाई १२–११, निब्सले अक्सरलाई १२–१०, भ्याली पब्लिकले इबिएलाई १२–९ र इबिएले चाँदबागलाई १०–८ ले पराजित गरे ।
-1735306900.JPG)
