भलिबल संघकाे महत्वकांक्षी कार्यक्रम सार्वजनीक

काठमाडौं । नेपाल भलिबल संघले विभिन्न २२ वटा कार्यक्रम समावेश गर्दै एक बर्षको बार्षिक क्यालेन्डर सार्वजनीक गरेको छ । शुक्रबार काठमाडौंमा पत्रकार सम्मेलन गर्दै संघले ७ करोड ५० लाख रुपैयाँ बजेटको महत्वकाक्षी बार्षिक कार्यक्रम सार्वजनीक गरेको हो ।

क्यालेन्डर अनुसार संघले यस बर्ष एसियाली स्तरको एभिसि एशियन सिनियर सेन्ट्रल जोन पुरुष भलिबल प्रतियोगिता आयोजना गर्नेछ । सो प्रतियोगिता साउन मसान्तदेखि भदौको पहिलो हप्ता भित्र काठमाडौंमा आयोजना गरिनेछ ।

संघले गत बर्ष सञ्चालन गर्ने नसकेको कार्यक्रमलाई समेत नयाँ क्यालेन्डरमा समावेश गरेको छ ।

सरकारले गत बर्ष भलिबल संघलाई करिब १३ लाख रुपैयाँ बजेट उपलब्ध गराएको थियो । राष्ट्रिय खेलको मान्यता पाएको संघले करिब ७ करोडको रुपैयाँका महत्वकाक्षी कार्यक्रमलाई समावेश गर्दै पत्रकार सम्मेलन गरेर सार्वजनीक गरेको हो ।

संघका महासचिव जितेन्द्रबहादुर चन्दले सरकारले सहयोग नगरेपनि प्रायोजक खोजेर क्यालेन्डरका कार्यक्रम सञ्चालन गरिने बताएका छन् ।

संघकाे बार्षिक कार्यक्रम यस्ता छन् :

१. FIBV लेभल कोच कोर्स

२. राष्ट्रिय टिम प्रशिक्षण ( पुरुष)

३. भलिबल डे

४. छैटौं महिला र साथौँ पुरुष राष्ट्रिय बिच भालिबह प्रतियोगिता

५. ओलम्पिक डे भलिबल

६. राष्ट्रिय बिच भलिबल रेफ्री कोर्स

७. राष्ट्रिय रेफ्री / क्षेत्रिय रेफ़्रिङ कोर्स

८. एभीसी एसिएन सिनिएर सेन्ट्रल जोन पुरुष भलिबल

९. राष्ट्रिय टिम प्रशिक्षण ( महिला )

१०. पाँचौ एन भी ए / एन एस टी महिला राष्ट्रिय क्लब च्याम्पियनसिप