वर्ल्ड स्कुल च्याम्पियनसिप खेल्ने भलिबल टोलीको विदाई

काठमाडौं । क्रोएसियामा आयोजना हुने वर्ल्ड स्कुल भलिबल च्याम्पियनसिपमा सहभागिता जनाउने नेपाली भलिबल टोलीको विदाई गरिएको छ ।

इन्टरनेशनल स्कुल अफ स्पोर्टस् फेडेरेसन (आइएसएफ) को आयोजनामा शनिबार सुरु हुने च्याम्पियनसिपमा नेपालबाट न्यु डायमन्ड एकेडेमीले प्रतिस्पर्धा गर्ने छन् ।

सन् १९७२ बाट सुरु भएको च्याम्पियनसिपमा नेपालबाट पहिलो पटक सहभागिता जनाउन लागेको हो ।

नेपाल स्कुल स्पोर्टस् फेडेरेसनसंगको सहकार्यमा नेपालले पहिलो पटक च्याम्पियनसिपमा सहभागिता जनाउन लागेको हो ।च्याम्पियनसिप मार्च ३१ बाट अप्रील ४ सम्म आयोजना हुनेछ ।

च्याम्पियनसिपमा १३ देखि १५ बर्ष उमेर समूहका खेलाडीले प्रतिस्पर्धा गर्ने छन् । च्याम्पियनसिपमा नेपालसहित, चीन, चाईनिज ताइपे, क्रोएसिया, बुल्गेरिया,  इस्टोनिया, चिली,फ्रान्स, हंगेरी, म्यासेडोनिया,  नेदरल्यान्डको दुई, स्पेन र युक्रेनले प्रतिस्पर्धा गर्ने छन् ।

च्याम्पियनसिपमा सहभागिता जनाउन जाने ९ खेलाडीसहित १५ सदस्सीय नेपाली टोलीलाई नेपाल स्कुल स्पोर्टस् फेडेरेसनले बुधबार विदाई गरेको छ ।

नेपाली टोलीलाई नेपाल कम्युनिष्ट पार्टीका प्रवक्ता नारायणकाजी श्रेष्ठ, मदन भण्डारी स्पोर्ट्स एकेडमीका अध्यक्ष विनोद श्रेष्ठ लगायतले विदाई गरे ।

नेपाली टोली शुक्रबार क्रोएसिया प्रस्थान गर्ने छन् ।

च्याम्पियनसिपका लागि नेपाल स्कुल स्पोर्टस् फेडेरेसन अध्यक्ष राजकुमार कार्की, स्कुलका डिरेक्टर मोहन कुमार कार्की, रेफ्री चन्द्र बन्दना राई, स्कुल शिक्षक सुनकेशरी माली र प्रदिप जोशी पनि क्रोएसिया जाने छन्  ।

नेपाली टोली : 

सोनी थपलिया

करिना सुनुवार

सबिना तामाङ

दिया परियार 

जोया गुरुङ 

सजिना श्रेष्ठ

रिया कुँवर 

प्रेक्षा राई 

सुनिता खड्का 

कुमार राई - प्रशिक्षक