धनगढी । मुख्यमन्त्री कप अन्तर प्रदेश खेलकुद प्रतियोगिता अन्तर्गत पुरुष तथा महिला भलिबलको सेमिफाइनल समीकरण पुरा भएको छ ।
पुरुष भलिबलमा समूह 'ए' बाट प्रदेश १ विजेता र सुदुरपश्चिम उपविजेता बन्दै सेमीफाईनल पुगेका छन् । समूह 'बी' बाट गण्डकी प्रदेश विजेता र प्रदेश ५ उपविजेता बन्दै अन्तिम चारमा पुगेका छन् ।
अब सेमीफाईनलमा प्रदेश १ र प्रदेश ५ तथा गण्डकी प्रदेश र सुदुरपश्चिम भिड्नेछन् ।
महिला भलिबलमा समूह 'ए' बाट प्रदेश ५ विजेता र सुदुरपश्चिम उपविजेता बन्दै सेमीफाईनल पुगेका छन् । समूह 'बी' मा प्रदेश ३ विजेता र गण्डकी प्रदेश उपविजेता बन्दै अन्तिम चारमा पुगेका छन् ।
सेमीफाईनलमा प्रदेश ५ र गण्डकी तथा प्रदेश ३ र सुदुरपश्चिम भिड्नेछन् ।
