नेशनल एकेडेमी खेल सप्ताह सुरु

काठमाडौं । नेशनल एकेडेमी स्कुलको खेल सप्ताह बिहीबारबाट सुरु भएको छ । 

बुद्धनगरस्थित स्कुलको मैदानमा जारी खेल सप्ताहको बास्केटबल छात्रतर्फ रेड हाउसले ग्रिन हाउसलाई ११–५ अंकले पराजित गर्दै उपाधि जितेको छ ।

रिले दौडतर्फ ग्रिन हाउसलाई नै हराएर रेड हाउसले उपाधि जितेको छ । त्यसैगरी डोरी तान्ने खेलमा पनि रेड हाउसले उपाधि जितेको छ ।

भलिबलतर्फ ब्लु हाउसले रेड हाउसलाई पराजित गर्दै उपाधि जितेको नेशनल एकेडेमीका प्रधानाध्यापक कृष्ण थापाले बताए ।

सप्ताह अन्तर्गत शुक्रबारसम्म बास्केटबल, भलिबल, डोरी तान्ने र रिले दौड खेल सकिएको स्कुलले जनाएको छ ।

सप्ताहमा रेड हाउस, ग्रिन हाउस, ब्लु हाउस र एल्लो हाउस गरी चार समूहमा विभाजन गरेर प्रतिस्पर्धा भईरहेको छ । सप्ताहमा एल्लो हाउसले भने अहिलेसम्म जित निकाल्न सकेको छैन ।