कास्की र पर्वत सेमिफाइनलमा

पोखरा । आठौं राष्ट्रिय खेलकुद प्रतियोगिताका लागि गण्डकी प्रदेश छनौट प्रतियोगिता अन्तर्गत पुरुष र महिला भलिबलको सेमिफाइनल समिकरण पुरा भएको छ ।

पोखरा रंगशालामा जारी छनोट अन्तर्गत पुरुषतर्फको बागलुङ, नवलपुर, पर्वत र म्याग्दीले सेमीफाइनलमा स्थान बनाएका छन् ।

सेमीफाइनल प्रवेशका लागि म्याग्दीले गोर्खालाई सोझो सेटमा पराजित गर्यो । उसले २५–१६, २५–२३ र २७–२५ ले पराजित गरेको हो ।

यता पर्वतले स्याङजालाई २५–१७, २१–२५, २५–२० र २५–१७ ले, नवलपुरले कास्कीलाई २५–११, २५–२३, २३–२५ र २६–२४ ले र बागलुङले तनहुँलाई १५–२५, २८–२६, २५–१० र २५–२० ले पराजित गरेका छन ।

महिलातर्फ कास्की, पर्वत, म्याग्दी र बागलुङ सेमीफाइनलमा प्रवेश गरेका छन् ।

कास्कीले मुस्ताङलाई २५–१४, २५–१५ र २५–१५ ले , पर्वतले तनहुँलाई २५–१७, २५–१८, २४–२६ र २५–१७ ले, म्याग्दीले तनहुँलाई २५–३, २५–१२ र २५–१० र बागलुङले लमजुङलाई २५–१७, २५–१८ र २५–२२ ले पराजित गरेका छन् ।