लालिगुराँस कप फुटबल मंगलबारबाट

काठमाडौं । लालीगुराँस कप दोश्रो अन्तर बिद्यालय छात्र फुटबल प्रतियोगिता मंगलवार देखि हुने भएको छ ।

ढकालटारस्थित आयोजक लालीगुराँस बिद्यासदनको खेल मैदानमा हुने छात्र नाईन ए साईड फुटबल प्रतियोगितामा १६ टिमको सहभागिता रहने आयोजक स्कुलका प्रिन्सिपल उमेश बादे श्रेष्ठले जानकारी गराए ।

शिक्षा र खेलकुद सगै भन्ने उद्देश्यका साथ संचालन हुन प्रतियोगितामा सहभागि टिमलाई चार समूहमा बिभाजन गरि लिग कम नकाउटका आधारमा संचालन गरिने स्कुलका निर्देशक हरि रेग्मीले बताए ।

फागुन २५ गते सम्म संचालन हुने ५ दिने प्रतियोगिताको बिजेता र अनुसाशित टिमले शिल्ड,मेडल प्राप्त गर्ने छन् ।

प्रतियोगिताका उत्कृष्ट खेलाडी, गोल किप्पर,डिफेन्स,मिडफिल्ड,प्रशिक्षक र सर्वाधिक गोल कर्ता खेलाडीलाई नगद सहित पुरस्कृत गरिने सहायक प्रिन्सिपल सुजिना श्रेष्ठले जानकारी गराईन् ।