कोशीका क्रिकेटर मिनासको सवारी दुर्घटनामा निधन

पथरी। कोशी प्रदेशका क्रिकेटर मिनास थापाको सवारी दुर्घटनामा निधन भएको छ।

बुधबार राति विराटनगरस्थित एयरपोर्ट मोडमा थापाले चलाएको मोटरसाइकल पोलमा ठोक्किँदा गम्भीर घाइते भएका थिए।

दुर्घटनापछि स्थानीयले तत्काल उद्धार गरी अस्पताल पुर्‍याए पुर्‍याएका थिए। तर, उपचारका क्रममा उनको मृत्यु भएको अस्पतालले जनाएको छ। थापाको शव अहिलर् पोस्टमार्टमका लागि कोशी अस्पताल विराटनगरमा राखिएको छ।

कोशी प्रदेश क्रिकेट टोलीका सदस्य रहेका थापाले प्रदेशको प्रतिनिधित्व गर्दै प्रधानमन्त्री कप एकदिवसीसहित विभिन्न प्रतियोगितामा सहभागिता जनाएका थिए। उनी परिवारका एक्ला छोरा हुन्।