यु-१९ प्रिमियर कप : ३० खेलाडीलाई बन्द प्रशिक्षणमा बोलाइयो

काठमाडौं। आगामी एसीसी मेन्स यु-१९ प्रिमियर कपको तयारीका लागि बन्द प्रशिक्षणमा ३० जना खेलाडीलाई बोलाइएको छ।

नेपाल क्रिकेट संघ (क्यान)ले पहिलो चरणको बन्द प्रशिक्षणका लागि उनीहरूलाई बोलाएको हो। उक्त प्रतियोगिता नोभेम्बर १९ देखि ३० सम्म संयुक्त अरब इमिरेट्स (युएई)मा सञ्चालन हुनेछ। पहिलो चरणको बन्द प्रशिक्षण काठमाडौंमा आयोजना गरिनेछ।

क्यानका छनोट समितिले देशभरका उत्कृष्ट युवा क्रिकेटरहरूबीचको प्रदर्शनका आधारमा ३० जना खेलाडीहरूलाई पहिलो चरणको प्रशिक्षणका लागि छनोट गरेको जनाएको छ।

छनोट भएका खेलाडीहरूको नाम :

अफ्रुद्विन राईन, प्रतिक पोखरेल, रोहन साह, चन्दन राम, भुपाल डंगोल, दिपक सेरेला, आशिष लोहार, रोशन विश्वकर्मा, सिविन श्रेष्ठ, सौजन प्रसाद घिमिरे, अशोक धामी, सोहेल कुवँर, अपराजित पौडेल, अमर मिश्र, दिलसाद अली, भान्स क्षेत्री, नितेश पटेल, अरविन्द घर्ती, कृतिक काम, सुशिल रावल, निश्चल क्षेत्री, रौनक श्रीवास्तव, सुभम खनाल, अभय यादव, सिवान्स बजगाईँ, प्रसिद्व जैशी, जोय थापा, दर्श सोनार, परिमार्जन यादव र कुमार यादव।