मुलरले अन्तिम हात हल्लाए

एजेन्सी । क्लब विश्वकपको अन्तिम सिठीपछि थोमस मुलरले बायर्न म्युनिखका समर्थकहरुलाई अन्तिम पटक हात हल्लाए । उनको जर्मन क्लबसँगको पच्चीस वर्ष लामो यात्रा समाप्त भएको हो । 

३५ वर्षीया मुलरको अन्त्य एक मिठास र दुख मिश्रित थियो, पेरिस सेन्ट जर्मेनसँग क्वार्टरफाइनलमा २–० को हार । 

मुलर ८० औं मिनेटमा वैकल्पिक खेलाडीको रुपमा मैदान छिरेका थिए । खेलको अन्तिम इन्जुरी समयमा पीएसजीका नुनो मेन्डेसले खुट्टाले प्रहार गरेपछि पेनाल्टी जस्तो देखिएको थियो । तर भारमा मेन्डेसको खुट्टा बलमै लागेकोे देखियो । मुलरको मुख छेउमै पुगेपनि छोएको थिएन । त्यसपछि पीएसजीको जित पक्का जस्तै भयो । 

‘म अहिलेपनि पूर्ण रुपमा कामको मुडमा छु ।’ मुलरले भने, ‘खेलअघि हामीले प्रयास गरेका थियौं । मैलेपनि एक चरण अघि बढ्न प्रयास गरे । अहिलेसम्म खासै फरक महशुश भएको छैन ।’ 

थोमस मुलरले बार्यन म्युनिखका लागि अन्तिम खेल पीएसजीविरुद्ध खेले । 

उनले आफ्नो शानदार करियरको बारेमा सोच्ने समय अझै आएको छैन जस्तो देखिन्छ । उनले सन् २००० मा मात्र १० वर्षको उमेरमा बार्यनबाट करियरको सुरुवात गरेका थिए । 

‘अन्त्यमा, सायद हामी बढी लायक थियौं ।’ उनले भने, ‘तर पुटबलमा यस्ता खेलहरु सिक्काको जस्तै हुन्छ । कहिले तपाई त कहिले प्रतिद्धन्दी । आज हामी हार्यौ ।’ 

मुलरले बायर्न म्युनिखका लागि सबैभन्दा धेरै खेल खेले । २ सय भन्दा बढी गोल गरे । र २ सय भन्दा बढी गोलका लागि सहयोग गरे । उनले क्लबलाई कीर्तिमानी १३ वटा बुन्डेसलिगाको उपाधि दिलाए । यसै सिजन अन्तिम उपाधि सहित बिदा लिए । 

तर अप्रिलमा बायर्नले उनको भारी तलब भएको सम्झौता अर्को सिजनका लागि नबढाउने निर्णय गर्यो ।

‘अवश्य पनि, मलाई थाहा छ यो मेरो अन्तिम खेल थियो ।’ मुलरले भने, ‘अब केही दिनमा मेरो मनमा के आउँछ हेर्छु ।’ 

उनले आफ्नो भविष्यबारे खुलासा गरेका छैनन । यद्यपी उनी अमेरिकाको मेजर लिग सकर एमएसएसमा जाने चर्चा चलेको छ । 

‘अहिले म मेरो करियरको बारे सार्वजनीक गर्ने मुडमा छैन ।’ उनले अन्त्यमा भने, ‘हामी ठुलो लडाईमा हारेका छौं । यो खेल हामीका लागि अत्यन्त महत्वपुर्ण थियो ।’