प्रतीक्षालाई समेट्दै एएफसी एसियन कप छनोट खेल्ने टोली घोषणा

काठमाडौं। प्रतीक्षा चौधरीलाई पहिलोपल्ट समेट्दै नेपालले उज्वेकिस्तानमा हुने एएफसी एसियन कप छनोट खेल्ने टोली घोषणा गरेको छ।

अखिल नेपाल फुटबल संघ (एन्फा)ले शुक्रबार अञ्जिला तुम्बाप्पो सुब्वाको कप्तानीमा २३ सदस्सीय टोली घोषणा गरेको हो। 

नवनियुक्त मुख्य प्रशिक्षक प्याट्रिक डे वाइल्डले टोलीमा मिडफिल्डर सुष्मा तामाङलाई बाहिर राखेका छन्। यस्तै, विभागीय टोली नेपाल एपिएफ क्लबकी रक्षक प्रतीक्षालाई टोलीमा समेटेका छन्। उनले उमेर समूहमा नेपालको प्रतिनिधित्व गरिसकेको छन्।

छनोट प्रतियोगिताको समूह ‘एफ’मा रहेको नेपालले उज्वेकिस्तानको तास्केन्दमा घरेलु टोलीसँगै लाओस र श्रीलंकासँग खेल्दैछ।