एट्लेटिकोको जितमा पाब्लोको २ गोल

काठमाडौं। पाब्लो बारियोसको दुई गोल मद्दतमा एट्लेटिको मड्रिडले क्लब विश्वकपमा सिएटल साउन्डर्सलाई ३–१ ले पराजित गरेको छ।

खेलको ११औं मिनेटमा जुलियानो सिमिओनेले पेनाल्टी बक्सको छेउमा पास दिएपछि बारियोसले पहिलो गोल गर्दै एट्लेटिकोको खाता खोले।

३५औं मिनेटतिर एट्लेटिको म्याड्रिडलाई पेनाल्टी दिइएको थियो। तर, भिडियो रेफ्री (भिएआर) जाँचपछि फाउल बक्सबाहिर भएको पुष्टि भएपछि निर्णय उल्ट्याइयो।

दोस्रो हाफको सुरुआतमै एट्लेटिकोले अग्रता दोब्बर बनायो। ४७औं मिनेटमा ब्याकअप खेलाडी एक्सेल विट्सेलले रोबिन ले नोर्मान्डको एसिस्टमा गोल गर्दै टोलीलाई २–० को अग्रता दिलाए।

५०औं मिनेटमा अल्बर्ट रुसनाकले गोल गर्दै सिएटललाई खेलमा फर्काउने प्रयास गरे। तर, ५५औं मिनेटमा बारियोसले दोस्रो गोल गर्दै एट्लेटिकोलाई जित दिलाए।

सिएटल साउन्डर्सको समूह 'बी' बाट नकआउट चरणमा पुग्ने आशा जीवित रहन अब पेरिस सेन्ट–जर्मेन (पिएसजी)ले बोटाफोगोविरुद्ध हार्नुपर्नेछ।