भारतले साफ यु–२० महिला च्याम्पियनसिपमा सहभागिता नजनाउने

काठमाडौं। भारतले साफ यु–२० महिला च्याम्पियनसिपमा सहभागिता नजनाउने भएको छ।

दक्षिण एसियाली फुटबल महासंघ (साफ)ले बिहीबार खेल तालिका सार्वजनिक गरेको हो। तर, उक्त तालिकामा भारत सहभागी हुने जनाइएको छ।

योसँगै २०२३ संस्करणको विजेता बंगलादेश, उपविजेता नेपालसँगै श्रीलंका, माल्दिभ्स र भुटानले मात्रै प्रतियोगितामा सहभागिता जनाउने भएका छन्। उक्त संस्करणमा भारत तेस्रो भएको थियो।

गत संस्करण भने प्रतियोगिता यु–१९ को नाममा भएको थियो। उक्त प्रतियोगितामा आयोजक बंगलादेश र भारत संयुक्त विजेता घोषित भएका थिए। २०२१ मा भएको संस्करणमा भने भारतलाई १–० ले पराजित गर्दै बंगलादेश विजेता बनेको थियो। यो संस्करण पनि बंगलादेशले नै आयोजना गरेको थियो।

यसपल्टको संस्करण भने ११–२१ जुलाईसम्म बंगलादेशमा हुने तय छ।  खेल तालिकाअनुसार नेपालले पहिलो प्रतिद्वन्द्वी भुटान पाएको छ। 
 नेपाल र भुटानबीचको खेल ११ जुलाईमा हुनेछ। नेपालले १३ जुलाईमा घरेलु टोलीसँग खेल्नेछ। यस्तै, १७ जुलाईमा श्रीलंका र २१ जुलाईमा पुन: बंगलादेशसँग खेल्नेछ। अंक तालिकामा शीर्ष स्थानमा रहने टोली च्याम्पियन बन्नेछ।