वैभवले छुए धोनीको खुट्टा !

काठमाडौं। राजस्थान रोयल्सले इन्डियन प्रिमियर लिग (आइपिएल) चेन्नई सुपर किंग्स लाई ६ विकेटले पराजित गर्‍यो।

दिल्लीको अरुण जेटली रंगशालामा पहिले ब्याटिङ गर्दै चेन्नईले ८ विकेट गुमाएर १८७ रन बनाएको थियो। जवाफमा राजस्थानले वैभव सूर्यवंशीको अर्धशतकको मद्दतले १७ बल बाँकी रहँदै लक्ष्य हासिल गरेको थियो।

मंगलबार रोचक क्षणहरू देखिए। चेन्नईका कप्तान महेन्द्रसिंह धोनी र राजस्थानका सञ्जु स्यामसनले टी–२० मा आफ्नो ३५० छक्का पूरा गरे। नूर अहमदको फ्री–हिट बलमा छक्का प्रहार गर्दै वैभवले आफ्नो अर्धशतक पूरा गरे। तुषार देशपाण्डेको बलमा चौका प्रहार गर्दै ह्याट्रिक पूरा गरेपछि अर्को बलमा आयुष म्हात्रे आउट भए।

खेल सकिएपछि दुवै टोलीका खेलाडीहरूले एकअर्कासँग हात मिलाइरहेका बेला धोनी र वैभव आमनेसामने भएका थिए। धोनी नजिक आउनेबित्तिकै वैभवले हात मिलाउनुको सट्टा उनको खुट्टा छोए। यसपछि धोनीले वैभवलाई हेरे र मुस्कुराए।