काठमाडौं। नेपालले नवनियुक्त मुख्य प्रशिक्षक स्टुअर्ट लबिनै हङकङमा चारदेशिय टी–२०आई क्रिकेट सिरिज खेल्ने भएको छ।
नेपालले बिहीबारदेखि कतारसँग खेल्दै प्रतियोगिताको सुरुआत गर्दैछ। तर, तर, नेपाल क्रिकेट संघ (क्यान)ल नियुक्त गरिसकेको भनिएका मुख्य प्रशिक्षक स्टुअर्ट ल अझै नेपाल आइपुगेका छैनन्। त्यसैले नेपालले ९ देखि १३ अप्रिलसम्म हुने सिरिज उनीबिना नै खेल्ने भएको हो।
क्यानका अनुसार श्रम स्वीकृतिसम्बन्धि कानुनी कुरा मिल्न अझै बाँकी रहेको कारण नेपालले हङकङको सिरिज नेपाली प्रशिक्षक ज्ञानेन्द्र मल्लकै प्रशिक्षणमा खेल्ने पक्का भएको हो। नेपाली टोलीका पूर्वकप्तानसमेत रहिसकेका मल्लले पछिल्लो समय नेपाल ‘ए’ क्रिकेट टिम सम्हालिरहेका थिए।
सिरिजमा नेपाल र घरेलु टोली हङकङसहित कतार र कुवेतले सहभागिता जनाउने छन्। नेपालले कतारसँग खेल्दै प्रतियोगिताको सुरुआत गर्नेछ। दोस्रो खेल अप्रिल १० मा कुवेत र तेस्रो तथा अन्तिम खेल अप्रिल १२ मा हङकङसँग खेल्नेछ। लिग चरणमा शीर्ष दुई टोलीले फाइनल खेल्ने छन्। तेस्रो र चौथो स्थानमा रहने टोलीले तेस्रो स्थानका लागि प्रतिस्पर्धा गर्नेछन्।
