काठमाडौं। जोश बटलरको सानदार अर्धशतकसँगै गुजरात टाइटन्सले इन्डियन प्रिमियर लिग (आइपिएल) मा रोयल च्यालेन्जर्स बैंग्लुरुलाई पराजित गरेको छ।
बुधबार सम्पन्न खेलमा गुजरात आठ विकेटले विजयी भएको हो। यो नतिजासँगै गुजरातले तीन खेलबाट चार अंक जोडेको छ। समान अंक भएको बैंग्लुरुको भने पहिलो हार हो।
बैंग्लुरुले दिएको १७० रनको लक्ष्य गुजरातले १७.५ ओभरमा दुई विकेट गुमाउँदै पूरा गरेको हो।
गुजरातका बटलरले अविजित रहँदै सर्वाधिक ७३ रन बनाए। ३९ बल खेलेका उनले पाँच चौका र ६ छक्का प्रहार गरे।
शाई सुदर्शन ४९ र कप्तान सुभमन गिल १४ रनमा आउट हुँदा शेर्फेन रदरफोर्ड ३० रनमा अवजिति रहे।
बैंग्लुरुका भुवनेश्वर कुमार र जोश हेजलवुडको नाममा समान एक विकेट रह्यो।
