काठमाडौं। इन्डियन प्रिमियर लिग (आइपिएल) २०२५ को १४ औं खेलमा रोयल च्यालेन्जर्स बैंग्लोरले गुजरात टाइटन्सको सामना गर्नेछ।
बैंग्लुरुमा हुने यो खेलमा बैंग्लोरको विस्फोटक लाइनअपविरुद्ध गुजरातका बलरहरूको कडा परीक्षा हुनेछ। बैंग्लोरले अहिलेसम्म आफ्ना दुवै खेल जितेको छ भने गुजरातले एउटा खेल जितेको छ भने एउटा हार बेहोरेको छ।
बैंग्लोरले अहिलेसम्म आफ्ना दुवै खेलमा सानदार जित हासिल गरेको छ। टोली एकताबद्ध देखिन्छ र कुनै पनि विपक्षीलाई चुनौती दिन सक्छ। मध्यक्रममा कप्तान रजत पाटीदारले पनि राम्रो प्रदर्शन गरिरहेका छन्।
विराट कोहली पनि राम्रो लयमा छ। फिल साल्ट, लियाम लिभिङस्टोन र टिम डेभिडजस्ता तीन विस्फोटक ब्याट्सम्यान पनि छन्, जसले बैंग्लुरुको पिचमा सनसनी मच्चाउन सक्छन्।
गुजरातमा परिवर्तनको सम्भावना धेरै कम छ। ओपनर साई सुदर्शन उत्कृष्ट लयमा छन्। उनले मुम्बई इन्डियन्सविरुद्धको अन्तिम खेलमा पनि अर्धशतक बनाएका थिए। अर्कोतर्फ मोहम्मद सिराज र रशिद खानको नेतृत्वमा टोलीले बलिङमा पनि धेरै राम्रो गरिरहेको छ।
बैंग्लुरु रंगशालाको पिच सधैं ब्याटिङको लागि अनुकूल हुन्छ। यहाँ बलरहरूको कडा परीक्षा हुन्छ। यहाँ धेरै ठूला स्कोर भएका छन् र टोलीले यस खेलमा पनि ठूलो स्कोर बनाउन खोज्नेछ।
