भारत सीमित ओभरको शृंखला खेल्न अक्टोबर-नोभेम्बरमा अस्ट्रेलिया जाने

काठमाडौं। अस्ट्रेलियाले २०२५–२६ को लागि आफ्नो घरेलु समर (घरेलु अन्तर्राष्ट्रिय तालिका) घोषणा गरेको छ।

भारतको पुरुष टोलीले अक्टोबर–नोभेम्बरमा तीन एकदिवसीय र पाँच टी–२० खेलको शृंखला खेल्न अस्ट्रेलियाको भ्रमण गर्नेछ। 

२०२४–२५ को घरेलु सिजनमा भारतीय पुरुष टोली अस्ट्रेलिया जाँदा केवल पाँच टेस्टको शृंखला खेलेका थिए। १७ वर्षपछि डार्विनमा फेरि अन्तर्राष्ट्रिय खेल खेलिनेछ भने भारतीय टोलीसँगको शृंखलापछि अस्ट्रेलियाले पाँच टेस्ट खेलको एशेज शृंखला खेल्नेछ।

अस्ट्रेलियाको घरेलु गर्मी अगस्टमा सुरु हुनेछ जब दक्षिण अफ्रिकाले तीन टी–२० र तीन एकदिवसीय खेल खेल्न अस्ट्रेलियाको यात्रा गर्नेछ।

भारतविरुद्धको खेल तालिका
अक्टोबर १९: पहिलो एकदिवसीय, पर्थ स्टेडियम
अक्टोबर २३: दोस्रो एकदिवसीय, एडिलेड
अक्टोबर २५: तेस्रो एकदिवसीय, एससीजी
अक्टोबर २९: पहिलो टी–२० आई, क्यानबेरा
अक्टोबर ३१: दोस्रो टी–२० आई, एमसीजी
नोभेम्बर २: तेस्रो टी–२० आई, होबार्ट
नोभेम्बर ६: चौथो टी–२० आई, गोल्ड कोस्ट
नोभेम्बर ८: पाँचौं टी–२० आई, गाब्बा