काठमाडौं। क्विन्टन डि ककको सानदार ब्याटिङसँगै कोलकाता नाइट राइडर्सले इन्डियन प्रिमियर लिग (आइपिएल) मा पुनरागमन गरेको छ।
बुधबार सम्पन्न खेलमा साबिक विजेता कोलकाताले राजस्थान रोयल्सलाई आठ विकेटले पराजित गरेको हो। यो नतिजासँगै कोलकाता अंक जोड्न सफल भएको छ।
पहिलो खेलमा रोयल्स च्यालेन्जर्स बैंग्लुरुसँग सात विकेटले पराजित भएको कोलकाताले यसपल्ट १५२ रनको सामान्य लक्ष्य पाएको थियो। उक्त लक्ष्य पछ्याएको कोलकाताले १५ बल बाँकी छदै दुई विकेट गुमाउँदै १५३ रन बनाएको हो।
कोलकाताले ओपनर मोइन अलीलाई पाँच रनमै गुमाएको थियो। कप्तान आजिक्य रहाने पनि १८ रनमै समेटिए। तर, डि कक र अंगकृष रघुवंशीले तेस्रो विकेटका लागि ८३ रनको विशाल साझेदारी गर्दै कोलकातालाई प्रतियोगितामा पुनरागमन गराएका हुन्।
डि ककले शतकबाट तीन रनले चुके। ६१ बल खेलेका उनले आठ चौका र ६ छक्कासहित अविजित ९७ रन बनाए।
यस्तै, रघुवंशीले १७ बलमा दुई चौकासहित अविजित २२ रनको योगदान दिएपछि राजस्थान लगातार दोस्रो हार बेहोर्न बाध्य भयो।
राजस्थानले पहिलो खेलमा सनराइजर्स हैदरावादसँग ४४ रनको हार बेहोरेको थियो। राजस्थान १० टोली सहभागी प्रतियोगिताको अंक तालिकाको पुछारमा छ। दुई अंक जोडेको कोलकाता भने राजस्थानभन्दा चार स्थान माथि छ।
-1743350550.webp)
