दिल्लीसँग हार्‍यो चेन्नई

काठमाडौँ। साबिक विजेता चेन्नई सुपर किंग्सलाई पराजित गर्दै दिल्ली क्यापिटलले इन्डियन प्रिमियर लिग (आईपीएल)मा पहिलो जित हासिल  गरेको छ। आइतबार सम्पन्न खेलमा चेन्नईले दिल्लीलाई २० रनले पराजित गरेको हो।

जितसँगै दिल्लीले ३ खेल खेल्दै तालिका २ अंक जोडेको छ। चेन्नईको समान खेलबाट ४ अंक रहेको छ।

दिल्लीले दिएको १९२ रनको लक्ष्य पछ्याएको चेन्नईले निर्धारित २० ओभरमा ६ विकेट गुमाउँदै १७१ रन मात्रै बनाउन सक्यो।

चेन्नईका अजिंक्य रहाणेले सर्वाधिक ४५ रन बनाए। ३० बल खेलेका उनले ५ चौका र २ छक्का प्रहार गरे।

डैरिल मिचेल ३४ र शिवम दुबे १८ रनमा आउट हुँदा महेन्द्रसिंह धोनी ३७ र रविन्द्र जडेजा २१ रनमा अविजित रहे।

दिल्लीका मुकेश कुमारले सर्वाधिक ३ विकेट लिए। ३ ओभर बलिङ गरेका उनले २१ रन खर्चिए। खलिल अहमदले २ विकेट लिँदा अक्षर पटेलको नाममा १ विकेट रह्यो।

त्यसअघि जित टस जितेर पहिला ब्याटिङ थालेको दिल्लीले निर्धारित २० ओभरमा ५ विकेट गुमाउँदै १९१ रन बनाएको हो।

दिल्लीका ओपनर डेविड वार्नरले सर्वाधिक ५२ रन बनाए। ३५ बल खेलेका उनले ५ चौका र ३ छक्का प्रहार गरे।

कप्तान ऋषभ पन्तले ३२ बलमा ४ चौका र ३ छक्कासहित ५१ रन बनाए। पृथ्वी शा ४३ र मिचेल मार्स १८ रनमा आउट हुँदा अक्षर पटेल ७ रनमा अविजित रहे।

चेन्नईका मथिशा पथिरानाले सर्वाधिक ३ विकेट लिए। ४ ओभर बलिङ गरेका उनले ३१ रन खर्चिए। मुस्तफिजुर रहमान र रवीन्द्र जडेजाको नाममा १/१ विकेट रह्यो। हासिल  गरेको छ।