मल्लले लिए पाँचौँ विकेट

काठमाडौँ। कुशल मल्लले नेपाललाई पाँचौँ सफलता दिलाएका छन्। उनले मोर्गन टपिङको विकेट लिएका हुन्। विकेटकिपर आसिफ शेखबाट क्याच आउट हुनुअघि उनले २६ बलमा २१ रन बनाए।

त्यसअघि करण केशीले १५औँ ओभरको पहिलो बलमा निल रकलाई १७ रनमा सन्दीप जोराबाट क्याच आउट गराएका थिए।

योसँगै नेपालले दिएको १९९ रनको लक्ष्य पछ्याइरहेको आयरल्यान्डले ५ विकेट गुमाएको छ।

आयरल्यान्डले ओपनर स्टीफन डोहेनीलाई २६ रनमा गुमाएको थियो। १३ बलमा ४ चौका र १ छक्का प्रहार गरेका उनी सोमपाल कामीको बलमा रोहितकुमार पौडेलबाट क्याच आउट भए।

छैटौँ ओभरको दोस्रो बलमा अर्का ओपनर रोस अडायर १९ बलमा ३ चौकासहित १७ रन बनाउँदै पेभिलियन फर्किए।

उनको विकेट कुशल मल्लले लिएका हुन्। उनलाई गुल्शनकुमार झाले क्याच आउट गरेका थिए।

तेस्रो नम्बरमा आएका केड कार्माइकल १२औँ ओभरको पहिलो बलमा अनिल साहबाट क्याच आउट भए। कुशल भुर्तेलको बलमा आउट हुनुपूर्व उनले १८ बलमा १८ रन बनाए।