कर्णाली प्रदेशमा ब्याडमिन्टन निर्णायक तालिम सम्पन्न

काठमाडौं । कर्णाली प्रदेशको राजधानी सुर्खेतमा चार दिने ब्याडमिन्टन निर्णायक तालिम सम्पन्न भएको छ ।

 कर्णाली प्रदेश ब्याडमिन्टन संघको आयोजना, कर्णाली प्रदेश खेलकुद विकास परिषद्को सहयोग तथा सुर्खेत जिल्ला ब्याडमिन्टन संघको समन्वय र नेपाल ब्याडमिन्टन संघको प्राविधिक सहयोगमा निर्णायक तालिकको सफलतापूर्वक आयोजना भएको हो । 

निर्णायक तालिममा कर्णाली प्रदेशका १० वटै जिल्लाबाट ६ महिला र २९ पुरुष गरि ३५ प्रशिक्षार्थीहरुको सहभागिता रहेको नेपाल ब्याडमिन्टन संघका उपमहासचिव नविन विक्रम शाहले जानकारी गराए ।

प्रशिक्षार्थीहरुलाई ब्याडमिन्टन एशियाका निर्णायक तथा नेपाल ब्याडमिन्टन संघका सदस्य दीपक थापा र राष्ट्रिय रेफ्रि एवं अन्तराष्ट्रिय निर्णायक किरण कारञ्जितले प्रशिक्षण प्रदान गरेका थिए ।

कर्णाली प्रदेश खेलकुद विकास परिषद्का सदस्य सचिव विश्वामित्र संज्यालले उद्घाटन गरको तालिममा दिक्षित निर्णायकलाई कर्णाली प्रदेश सरकारका आन्तरिक मामिला तथा कानून मन्त्री कृष्ण बहादुर जिसीले प्रमाण पत्र वितरण गरेका थिए ।

कर्णाली प्रदेश ब्याडमिन्टन संघका अध्यक्ष टक्क बहादुर शाहीको सभापतित्वमा भएको समापन कार्यक्रममा बिशेष अतिथीको रुपमा कर्णाली प्रदेश खेलकुद विकास परिषद्का सदस्य सचिव संज्यालको उपस्थिती रहेको थियो ।