काठमाडौं । अखिल नेपाल फुटबल संघ (एन्फा)को कार्यसमिति बैठक आज (शुक्रबार) बस्दैछ ।
सातदोबाटोस्थित एन्फा मुख्यालयमा बिहान ११ बजे बस्ने बैठकमा बिभिन्न २० एजेन्डाहरुमा छलफल हुनेछ ।
एन्फा महासचिव किरण राईले सुरुमा ११ एजेन्डाहरुमा छलफल गर्ने गरि पत्र काटेका थिए । त्यसपछि एन्फाको विधान धारा ३९ को ३ बमोजिम केही सदस्यले पठाएका थप ९ एजेन्डाहरुमा छलफल हुनेछ ।
एन्फामा चर्काे रुपमा उठ्दै आइरहेको महासचिवको बर्खास्तिको एजेन्डा भने थपिएको छैन् ।
आज छलफल हुने मुख्य एजेन्डा भनेको सन् २०२२ को फिफा विश्वकपको टिकटको सम्बन्ध र महिला पुरुषको टोलीको पुरस्कारसँगै महिलाको नकआउट चरणको प्रतियोगिताको विषयमा छलफल हुनेछ ।
एजेण्डाहरु
१, साफ यु–१९ च्यम्पियनशिप आयोजना बारे ।
२, जिल्ला लिग, शहिद स्मारक बी, बी र महिला लिग लगायतको प्रतियोगिताहरुको खेल नियमावली लगायत मापडण्डहरु बारे ।
३, महिला फ्रेन्चाईज लिगको सञ्चालनको अधिकार र फुटसल लिगको मार्केटिङ, बोर्डकास्टिङ र डिजिटल राईटस सम्बन्धि बोलपत्र स्वीकृती बारे ।
४, संघको आपतकालिन समिति बैठकले गरेको निर्णयहरु अनुमोदन गर्ने बारे ।
५, थ्री नेशन कपको प्रथम पुरस्कार अमेरीकी डलर ५००० खेलाडीहरुलाई वितरण गर्ने बारे ।
६, संघको आ।वा २०७९ र ०८० को लेखा परिक्षकको छनौट बारे ।
७, विशेष साधारण सभा र नियमित साधारण सभाको मिति निर्धारण गर्ने बारे ।
८, खरिद तथा मुल्याङ्कन समिति बारे ।
९, राष्ट्रिय खेलाडीहरुको औषधि उपचारको भुक्तानी सम्बन्धमा ।
१०, एन्फा कर्मचारीहरुको २०८० श्रावण देखि सेवा सुविधा वृद्धि सम्बन्धमा ।
११, विविध
थप गरिएका एजेन्डाहरु
१, अखिल नेपाल फुटबल संघको विधान संशोधन बारे ।
२, नेपाली राष्ट्रिय पुरुष फुटबल टिम र महिला राष्ट्रिय फुटबल टिमको समान पुरस्कार राशी बारे ।
३, सांगठानिक संरचना र कर्मचारी सम्बन्धमा ।
४, एन्फा बजेट २०८०–०८१ सम्बन्धमा ।
५, एन्फा महिला एकेडेमी संचालन बारे ।
६, महिला राष्ट्रिय टिमको नकआउट प्रतियोगिता बारे ।
७, महिला रेफ्रि तथा प्रशिक्षकको संख्या वृद्धिको लागि रणनीति बारे ।
८, महिला तथा पुरुष राष्ट्रिय खेलाडीहरुको पुरानो बाँकी पुरस्कार बारे ।
९, नयाँ सदस्य जिल्ला फुटबल संघ गठन बारे ।
