नेपालसँगको खेल पछि आयरल्यान्डको कप्तान परिवर्तन 

एजेन्सी । जिम्बावेमा जारी आइसीसी विश्वकप छनोटमा आयरल्यान्ड सुपर सिक्समै पुग्न नसकेपछि कप्तान एन्डि बालबर्नीले राजीनामा दिएका छन् । 

बालबर्नीले नेपालसँगको खेलपछि सिमित ओभरको क्रिकेटबाट कप्तानी छाड्ने निर्णय लिएका हुन् । 

आयरल्यान्ड क्रिकेटले बालबर्नीको स्थानमा ओपनर पल स्टरलिङलाई तत्कालको लागि कप्तानी नियुक्त गरेको जनाएको छ । २०१९ मा बालबर्नी आयरल्यान्डको कप्तान बनेका थिए । टेस्ट टोलीमा भने उनी कप्तानमा निरन्तर हुनेछन् ।