काठमाडौं । पल्सर सहिद स्मारक 'ए' डिभिजन लिग फुटबलमा अहिले च्यासल युथ क्लबले संकटा युथ क्लबसंग प्रतिस्पर्धा गरिरहेको छ ।
हल्चोकस्थित एपीएफ मैदानमा खेलको पहिलो हाफ सकिदा संकटाले सुरुवाती अग्रता बनाएको छ । च्यासलविरुद्ध पहिलो हाफमा संकटा १ - ० ले अघि रहेको हो ।
खेलको २३ औं मिनेटमा संकटाले पेनाल्टीबाट अग्रता बनाएको हो । च्यासलका छिरिङ गुरुङले डिबक्स भित्र हाण्ड गरेपछि पाएको पेनाल्टीमा संकटाका अमित तामाङले गोल गरेका हुन् ।
आज दुवै टोली जित निकाल्ने लक्ष्यमा रहेका छन् । तर, दुवै टोलीले लिगमा अपेक्षित प्रर्दशन गर्न सकेका छैनन् । च्यासलले स्टार खेलाडीमा ठुलो धनराशी खर्च गरेपनि सोही अनुसारको प्रर्दशन लिगमा देखाउन सकेको छैन ।
च्यासल ४ खेलमा १ जित, दुई हार र एक बराबरी सहित ४ अंक जोडेर तालिकाको आठौ स्थानमा छ । संकटा ९ अंक सहित छैटौ स्थानमा छ ।
