सुदुरपश्चिमद्वारा लुम्बिनीलाई १८१ रनको लक्ष्य

काठमाडौं । यू-१९ राष्ट्रिय क्रिकेट प्रतियोगितामा सुदुरपश्चिम प्रदेशले लुम्बिनी प्रदेशलाई जितका लागि १ सय ८१ रनको लक्ष्य दिएको छ ।

मुलपानी क्रिकेट मैदानमा भएको खेलमा सुदुरपश्चिमले लुम्बिनीलाई १ सय ८१ रनको लक्ष्य दिएको हो ।

टस हारेर पहिले ब्याटिङ गरेको सुदुरपश्चिमले ४९.५ ओभरमा अलआउट हुदै १ सय ८० रन बनायो। 

सुदुरपश्चिमका लागि दिपक बोहोराले ७३ बलमा ५४ रनको अर्धशतकीय ईनिङ खेले । गजेन्द्र बोहोराले १९ तथा दीपक बोहोराले १७ रन बनाए । विशाल ऐरले १६ रन जोड्दा हेमन्त धामीले १५ रन जोडे ।

लुम्बिनीका लागि विशाल बिक्रम केसीले ३ तथा  नर सार्की र निर्मल गुरुङले समान २/२ विकेट लिए । रमेश कुर्मी र दुर्गेश गुप्ताले समान १/१ विकेट लिएका थिए ।

सुदुरपश्चिम लगातार दोस्रो खेलमा जित निकालेर अंक तालिकाको र्शीष स्थानमा उक्लन चाहान्छ । यता, डिफेन्डिङ च्याम्पियन लुम्बिनी आफ्नो पहिलो खेल जितका साथ सुरुआत गर्न चाहान्छ ।

प्रतियोगितामा प्रदेश१, मधेश प्रदेश,बागमती प्रदेश,गण्डकी प्रदेश,लुम्बिनी प्रदेश,कर्णाली प्रदेश र सुदुरपश्चिम प्रदेशको सहभागिता रहेको छ ।

प्रतियोगिताको विजेताले २ लाख नगद प्राप्त गर्दा उपविजेताले १ लाख नगद पाउने छन् ।

यस्तै प्लेयर अफ द सिरिज बन्ने खेलाडीले १५ हजार तथा उत्कृष्ट बलर र ब्याट्सम्यानले १०/१० हजार पाउने छन् ।