बीसीसीआईले गर्यो खेलाडी छनोट समितिलाई बर्खास्त

काठमाडौं । भारतीय क्रिकेटको सर्वोच्च निकाय बीसीसीआईले पुरुष खेलाडी छनोट समितिलाई बर्खास्त गरेको छ ।

बीसीसीआईले एक विज्ञप्ति निकाल्दै पूर्व भारतीय फास्ट बलर चेतन शर्माको नेतृत्वमा रहेको छनोट समितिलाई बर्खास्त गरिएको जनाएको छ ।

बीसीसीआईले छनोट समितिका लागि पाँच चयनकर्ताको पदका लागि आवेदन समेत खुला गरेको छ ।  बीसीसीआईले नोभेम्बर २८ सम्म आवेदन दिन सकिने जनाएको छ ।

भारतका पूर्व अलराउन्डर रोजर बिन्नीको नेतृत्वमा रहेको बीसीसीआई प्रशासनले गरेको यो पहिलो प्रमुख निर्णय हो ।