काठमाडौं । राष्ट्रिय खेलकुद परिषद्की पूर्व सदस्य सुवर्ण श्रेष्ठ मंसिर ४ गते हुने आम निर्वाचनको प्रतिनिधि सभाको समानुपातिकतर्फ सांसद्का लागि सिफारिस भएकी छन् । नेकपा एमालेबाट श्रेष्ठ सिफारिस भएकी हुन् ।
नेपाल रिङ रेस्लिङ संघकी महासचिव समेत रहेकी श्रेष्ठले युवाहरुको शारीरिक तथा मानसिक विकास लागि खेल मैदान, कभर्डहल, क्लब भवनका साथै अन्य पूर्वाधार निर्माणमा पनि जोड दिएकी छन् ।
महालक्षमी नगरपालिका, ललितपुर २, लुभूकी श्रेष्ठले खेलाडीको सम्मान र वृत्ति विकासका कार्यक्रमसहित जीवन वृत्ति प्रणाली कार्यान्वयनमा ल्याउने, राष्ट्रिय तथा अन्तर्राष्ट्रिय स्तरका खेलाडी बन्न सक्ने सम्भावना भएका युवाको खोजी गर्ने, क्षमता विकासका प्रशिक्षण र तालिमको व्यवस्था मिलाउने, खेलाडीलाई प्रतियोगितामा भाग लिने अवसर उपलब्ध गराउने र खेलाडीमा राष्ट्रिय÷अन्तर्राष्ट्रिय खेल प्रतिस्पर्धामा विजय हासिल गर्न सक्छौं भन्ने आत्मविश्वास र उत्साह जगाउने कार्यक्रम अगाडि बढाउने प्रतिबद्धता जनाएकी छन् ।
‘म एक खेलाडी, खेलकर्मी भएको नाताले खेलकुद क्षेत्र को समस्या, चुनौती र अवसरलाई राम्रोसंग बुझेको छु । खेल पर्यटनको प्रचुर सम्भावना भएको हाम्रो जस्तो देशमा खेलाडीहरुलाई आत्मानिर्भर बनाउने र नेपालको अर्थतन्त्रमा खेलकुद क्षेत्रको अहम भूमिका रहने गरी नीति निर्माण गर्नु आवश्यक छ । अझ भनौं साहसिक र पर्यटकीय खेलकुदको विकास र प्रवद्र्धन गर्ने हो भने थोरै लगानीमा धेरै खेलाडी उत्पादन गर्न सकिने र अन्तराष्ट्रिय स्तरमा नेपाललाई चिनाउन सकिन्छ ।’ श्रेष्ठले भनिन् ।
श्रेष्ठले निरोगी नेपाल सबै नेपालीको चाहाना भएको हुँदा निरोगी नेपालका लागि शारीरिक तथा मानसिक विकासको आवश्यक भएको र त्यो खेलकुदले मात्र पूरा गर्न सक्ने बताउदै सम्पूर्ण जनतालाई बाल्यकालदेखि नै खेलकुदमा संलग्न हुन अभिप्रेरित गर्न जरुरी भएकोमा जोड दिइन् ।
श्रेष्ठले विगतमा नेकपा एमाले सरकारमा हुँदा विभिन्न खेल मैदान, रंगशालाको स्तरोन्नती संगै एक पालिका एक खेलकुद ग्रामको कार्यक्रम अन्तर्गत २०० पालिकामा कामको सुरुआत गरेको जानकारी गराउदै नेकपा एमालेसंग खेल क्षेत्रको विकास गर्न आवश्यक योजना रहेको बताइन् । पारा खेलाडीको उचित व्यवस्थापन र उचित अवसरका लागि विशेष प्राथमिता दिइने श्रेष्ठले प्रतिबद्धता व्यक्त गरिन् ।
-1736575369.jpg)
-1736559847.jpg)
