नेपाल र युएईबीचको एकदिवसीय सिरिजको टिकट मूल्य तय

काठमाडौं । नेपाल र पाहुना टोली युनाईटेड अरब इमिरेट्स (युएई) बीचको एकदिवसीय अन्तराष्ट्रिय सिरिजको टिकट मूल्य तय भएको छ ।

नेपाल क्रिकेट संघ (क्यान) ले आइतबार सिरिजको टिकट मूल्य तय गरेको हो ।

क्यानले सिरिजको टिकट मूल्य २ सय राखिएको जनाएको छ । टिकट प्रभु पेबाट किन्न सकिनेछ ।

यस्तै सिरिजमा प्लेयर अफ द सिरिज बन्ने खेलाडीले नगद ५० हजार पाउने छन् । हरेक खेलको म्यान अफ द म्याचले २० हजार नगद पाउने छन् ।

नेपालले युएईसँग तीन खेलको एकदिवसीय अन्तराष्ट्रिय सिरिज खेल्ने छ ।

टियु क्रिकेट मैदानमा हुने पहिलो एकदिवसीय भोलि सोमबार हुनेछ ।

सिरिजका लागि नेपालले रोहित कुमार पौडेलको कप्तानीमा १६ सदस्सीय टोलीको घोषणा गरिसकेको छ ।