पोखरा । नवौं राष्ट्रिय खेलकुद अन्तर्गत आज बिहीबार विभिन्न ९ खेलहरु हुँदैछन् ।
नवौंको औपचारिक उद्घाटन भने भोलि शुक्रबार पोखरा रंगशालामा हुँदैछ ।
बिहीबार हुने खेलमा क्रिकेट, फुटबल, भलिबल, फेन्सिङ,ह्याण्डबल, हक्की, गल्फ, फूलकन्ट्याक्ट कराते र बुद्दिचालको खेल हुने तालिका रहेको छ ।
पोखरा क्रिकेट रंगशालामा महिला क्रिकेट हुनेछ ।
पुरुष फुटबल गोस्टेघाटमा हुनेछ । महिला फुटबल वालिङमा हुने तालिका छ ।
महिला भलिबल म्याग्दी खेल मैदानमा हुनेछ ।
महिला र पुरुष ह्यान्डबल पोखरा रंगशालाको कभर्डहलमा हुनेछ ।
फेन्सिङ पोखरा रंगशालाको ब्याडमिन्टन हलमा हुनेछ ।
पुरुष हक्की गौरीशंकर खेल मैदान हेम्जा र महिला हक्की गण्डकी बोर्डिङ स्कुल पोखरामा हुनेछ ।
फूलकन्ट्याक्ट कराते प्रदर्शनी हल पोखरा र बुद्दिचाल गोरखामा हुनेछ ।
