पोखरा । सहारा क्लब पोखराले पोखराको बसपार्क क्षेत्रमा सरसफाई गरेको छ । क्लबले आफ्नो २४ औं बार्षिकोत्सवको अवसरमा मंगलबार पृथ्बीचोक स्थित बसपार्क क्षेत्रमा बृहत सरसफाई गरेको क्लबका अध्यक्ष हरिराम गुरुङ (सुरज) ले जानकारी दिए ।
सरसफाई कार्यक्रममा पोखरा ९ का वडा सदस्य नन्दुराम गिरीले कार्यक्रम संयोजक ज्योति केसीलाई डोको र कुचो हस्तान्तरण गरी कार्यक्रमको शुभारम्भ गरेका थिए । कार्यक्रममा बोल्दै उनले क्लबले निरन्तर रुपमा समाजिक कार्यमा लाग्दै बहु प्रतिष्ठित आहा रारा गोल्ड कप प्रतियोगिता सञ्चालन गर्दै आएमा प्रशंसा गरे ।
कार्यक्रममा पृथ्बीचोक बसपार्क टोल विकास संस्था, सत्यश्वर आमा समुह, स्थानीय होटल व्यवसायी, क्लवका पदाधिकारी तथा सदस्य सहित स्थानियको सहभागिता रहेको सचिब सुनिल रानामगरले बताए । पोखरा महानगरका सरसफाई शाखाका नासु हर्क गायक सहितको टोलीको समेत कार्यक्रममा सहभागिता रहेको थियो ।
यसैबीच क्लबले भोलि (बुधबार) क्लबको परिसरमा खुल्ला रक्तदान कार्यक्रमको समेत आयोजना गरेको क्लबका महासचिव रामजीप्रसाद अधिकारीले बताए ।
क्लबले यहि भदौ ३० गते साधारण सभाको कार्यक्रम तय गरेको छ । उक्त अवसरमा खेल पत्रकार नारायण शाहीलाई सहारा खेलकुद पत्रकारिता पुरस्कार बाट पुरस्कृत गर्ने भएको छ ।
-1736609631.jpeg)
-1736605265.jpeg)
