काठमाडौं । मकवानपुर जिल्लामा पहिलो पटक रग्बी खेल हुने भएको छ । मकवानपुर रग्बी संघ र चितवन रग्बी संघबीच दुई मैत्रीपूर्ण खेल हुने भएको हो ।
आगामी भदौ १० गते र ११ गते दुई जिल्लाका रग्बी संघबीच मैत्रीपूर्ण खेल खेल्ने तय भएको मकवानपुर जिल्ला रग्बी संघका अध्यक्ष लिला कुमार घलानले जानकारी दिए ।
हेटौंडा–५ स्थित पिप्ले क्याम्पा रंगशालामा हुने खेलमा महिला रग्बी टिम र पुरुष रग्बी दुबै टिमले मैत्रीपूर्ण खेल खेल्नेछन् । यस अघि मकवानपुरका रग्बी टिम खेलाडी चितवन र काठमाडौंमा खेल्दै आएका थिए ।
मकवानपुरमा रग्बी खेल खेलाउन नसकेको अवस्थामा पहिलो पटक मकवानपुरमा मैत्रीपूर्ण खेल हुन लागेको उनले बताए । उनले अहिले मकवानपुर रग्बी टिमले नियमित प्रशिक्षण गर्दै आएको जानकारी दिए ।
दुई जिल्लाका खेलाडीहरुबीच सम्बन्ध मजबुद होस् भन्ने उद्देश्यले खेल हुन लागेको उनले बताए ।
-1736609631.jpeg)
-1736605265.jpeg)
