इंग्ल्यान्डको विजयी सुरुआत

काठमाडौं । आयोजक इंग्ल्यान्डले महिला युरोपियन च्याम्पियनसिप फुटबलमा विजयी सुरुआत गरेको छ ।

ओल्ड ट्राफोर्डमा बुधबार राति भएको उद्घाटन खेलमा अष्ट्रियालाई १-० ले हराउँदै घरेलु टोलीले सुखद सुरुआत गरेको हो ।

इंग्ल्यान्डको जितमा बेथ मिडले निर्णायक गोल गरिन् ।  

खेलको १६ औं मिनेटमा बेथले इंग्ल्यान्डको जितमा गोल गरेकी हुन् ।

यस जितसँगै इंग्ल्यान्डले पहिलो खेलमा महत्वपूर्ण ३ अंक जोडेको छ ।

समूह ए को इंग्ल्यान्ड समूहको शीर्ष स्थानमा रहेको छ । 

अष्ट्रिया पुछारमा रहेको छ ।

महिला युरोमा १६ टोलीले प्रतिस्पर्धा गरिरहेका छन् ।

सहभागी १६ टोलीलाई ४ समूहमा विभाजन गरिएको छ ।

हरेक समूहको शीर्ष दुई टोलीले नकआउट चरणमा स्थान बनाउने छन् ।