पोग्बा युभेन्ट्स आउन सहमत

काठमाडौं ।  फ्रान्सेली मिडफिल्डर पाउल पोग्बा इटालियन क्लब युभेन्ट्समा अनुबन्ध हुने पक्का भएको छ ।

पोग्बा फ्री ट्रान्सफरमा सिरी ए क्लब युभेन्ट्स फर्कन सहमत भएको बीबीसीले जनाएको छ ।  

पोग्बाको यसै हप्ता मेडिकल हुने बताईएको छ ।

युभेन्ट्ससँग पोग्बाले ४ वर्षको सम्झौता गर्ने बताईएको छ ।

पोग्बाले सिजनको अन्त्यसँगै इंग्लिस क्लब म्यानचेस्टर युनाईटेडसँगको सम्झौता अन्त्य गरेका थिए ।

२९ वर्षीय पोग्बा २०१६ मा युभेन्ट्सबाटै युनाईटेड फर्किएका थिए ।

युनाईटेडको एकेडेमीमा हुर्किएका पोग्बा २०१२ मा युभेन्ट्स गएका थिए।

पोग्बाले युनाईटेडका लागि २ सय २६ खेल ३९ गोल गरेका थिए ।