चहर र यादवले श्रीलंकाविरुद्धको सिरिज गुमाउने

काठमाडौं । भारतीय क्रिकेट टिमका फास्ट बलर दिपक चहर तथा ब्याट्सम्यान सुर्यकुमार यादवले श्रीलंकाविरुद्धको टी–ट्वान्टी क्रिकेट सिरिज गुमाउने भएका छन् ।

घरेलु टोली भारत र श्रीलंकाबीचको तीन खेलको सिरिज बिहीबारबाट सुरु हुदैछ । 

तर घाइते भएपछि दिपक र सुर्यकुमारले सिरिज गुमाउने बीसीसीआईले जनाएको छ । 

दिपक र सुर्यकुमारले वेस्ट इन्डिजविरुद्धको अन्तिम टी–ट्वान्टी खेलमा चोट बोकेका थिए ।

तर उनीहरुको स्थानमा भने अन्य खेलाडीलाई नल्याइने बीसीसीआईले जनाएको छ ।