पाकिस्तानी क्रिकेटर आविडलाई छातीको समस्या

काठमाडौं । पाकिस्तानका टेस्ट क्रिकेटर आविड अलीलाई एक्युट कोरोनारी सिन्ड्रम (छातीसम्बन्धि समस्या) पत्ता लागेको छ । 

३४ वर्षीय अलीले मंगलबार कायद–ए–अजाम ट्रफी खेलका क्रममा छाती दुखेको बताएपछि उनलाई अस्पताल लगिएको थियो ।

सेन्ट्रल पञ्जाबका लागि पाखतुन्खवाविरुद्ध ब्याटिङ गर्दै गर्दा अलीले दुई पटक छाती दुखेको बताएका थिए । अली ६१ रनमा अविजित रहेका थिए । 

पाकिस्तान क्रिकेट बोर्डले अलीको अवस्था अहिले स्थित रहेको जनाएको छ । 

बंगलादेशविरुद्धको दुईवटा टेस्ट खेल्दै अली पाकिस्तानको घरेलु क्रिकेट खेलिरहेका थिए । 

उनले बंगलादेशविरुद्धको पहिलो टेस्टमा १ सय ३३ र ९१ रन जोडेका थिए र प्लेयर अफ द म्याच घोषित भएका थिए ।