काठमाडौं । पाकिस्तान सुपर लिग (पीएसएल) टिम लाहोर क्वालान्दर्सले शाहिन शाह अफ्रिदीलाई कप्तान नियुक्त गरेको छ ।
लाहोरले आगामी सिजनको पीएसएलका लागि बलर अफ्रिदीलाई कप्तान चयन गरेको हो ।
यस अघि लाहोरको कप्तानी सोहिल अख्तरले गर्दै आएका थिए ।
अफ्रिदी २०१८ बाट लाहोरमा आबद्द छन् ।
लाहोरका लागि अफ्रिदीले ३७ खेलमा ५० विकेट लिएका छन् ।
अफ्रिदीले पाकिस्तानका लागि २१ टेस्ट, २८ एकदिवसीय र ३९ टी-ट्वान्टी अन्तराष्ट्रिय खेलेका छन् ।
